Lunes, Oktubre 3, 2011

SA PAGITAN NG ANTOK AT NG MALAY

maligalig na gunita
sa isipa'y aandap-andap
talusaling tudla
'di mapigilang mag-amok

mga mata'y nakapikit
subalit gising ang diwa
nagkukumahog na alaala
nagpatintero sa isipan

haplit ng kahapon
gumuhit sa tangwas ng malay
matikap na bahaghari
nagpatingkad sa dapithapon

6 (na) komento:

  1. share ko sayo to, gawa ko to.

    Sa ihip ng hangin
    sa umagang darating
    gunita't alaala'y
    naglalaho rin

    Bagkus kung ang dilim
    ng ulap ay tanaw
    alaala'y nakikita at
    nararamdaman, sa simpleng paraan

    kung tatanawin
    ang ligaya kung nag-iisa
    ano ang silbi ng ngiting
    walang ibig sabihin.

    TumugonBurahin
  2. eh..eh... wala eh. talagang parang kusa mo lang hinihinga ang diwa't salita kapag tumutula ka.

    marami rin akong mahahabang gabi na nililiyo ko pagsusulat ng mga gunita. ayos na rin dahil mas mura ang lapis kaysa sa bote ng serbesa.haha!

    TumugonBurahin
  3. been here following you. hope you follow me too..

    congrats pala for winning iya-khins promo.


    mr837.blogspot.com

    TumugonBurahin
  4. @harvey, Salamat.

    Isang napakagandang tula nyan bossing.

    TumugonBurahin
  5. Sir Duks, salamat sa pagkagawi mo dito at pag-iwan ng bakas.

    Mas mura anga ang lapis kesa sa serbesa pero mas mainam kung magkasabay ang dalawang nabanggit. Habang inuubos mo ang isang bote ng serbesa sa kakalagok maghabi rin ng mga nagsasalpukang mga salita sa isipan.

    Magandang araw dir Duks.

    TumugonBurahin