Biyernes, Enero 14, 2011

WAG MASYADO EKSAYTED

Tangnang pisbol yan eh sobrang ang ilap pa rin, sa haba haba ng binabyahe ko at sa dami ng nagtitinda ng pagkaing tuhog tuhog sa kalye na nadadaanan ko araw-araw si pisbol lang ang wala. Bakit nga ba napakailap nya simula nung huli ko siyang natikman? December 11 yun mga alas singko ng hapon at simula nun nag umpisa na akong manabik sa kanya. At dahil dun naranasan ko ang feeling ng "one afternoon stand". Na pagkatapos mo tikman at bayaran di mo na ulit makikita (pakiusap wala akong ideya kung maari ko siyang ikumpara sa "one night stand" dahil wala rin akong ideya kung ano ang ibig sabihin nyan).

Pero kagabi nag-iba lahat ng nararamdaman ko nung pauwi ako galing trabaho. Imaginin nyo yung mga tipikal na eksena sa isang maaksyong pelikula, yung tuwang tuwa na yung bida dahil napabagsak nya na yung kontrabida sa gulpihan nilang dalawa. Pagkatalikod at akmang magyayakapan na sila ng lading lady nya bigla nalang babangon ang kontrabida at makkaapulot ng baril at itututok nya ito sa bida at sisigaw ng "katapusan mo naaaaaaa o di kaya may patalim at bigla nyang sasaksakin ang bida tapos biglang harangin iyon ng lading lady mabaril ito at mamatay at makakapulot din ng baril ang bida at babarilin nya ang kontrabida habang sumisigaw ng hayuuuuuuuuuuuuuuuppppppppp kaaaaaaaaaaaa. Ewan ang gulo gulo na basta intindihin nyo nalang di ko alam panu ikwento eh hahaha serve yourselves nalang mga kapatid.

Basta pauwi na ako nun di kalayuan sa binababaan ko tanaw ko na yung manong nagtitinda ng pisbol, parang malaglag yung puso ko sa galak dahil sa nakita ko "early celebration" agad ako eh kaya napapababa agad ako ng jeep at tumakbo papalapit kay manong. Hingal na hingal pero nakangiting sinabing manong pabili akong pisbol. Tila nasa ulap ako ng mga sandaling iyon ng biglang sabi ni manong "ay sori boss ubos na yung pisbol"...Waaaaaaaaatttttttt? biglang nagdilim paningin ko at gusto kong ibalibag bigla yung tindahan nya eh. Tangnang yan nakakakulot ng dreadlocks eh sarap na sarap na ako at eksayted ng tumuhog at kumain ng pisbol tapos biglang sasabihing wala na. Bumili nalang ako ng kikiam pero habang kumakain ako gusto kong bumuhos ng malakas ang ulan para di mahalatang dadaloy ang ang mga luha ko kung sakaling umiyak man ako.

2 komento:

  1. parekoy, at talagang sabik na sabik sa pisbol.. bili ka na lang sm at pag nakita mo si manong, hingi ka na lang ng sauce hehehe

    dumaan ang tambay parekoy

    TumugonBurahin