Lunes, Hunyo 18, 2012

TAKDANG ARALIN: SUKAT AT TUGMA (TUGMAAN NG MGA MALAKAS AT MAHINANG KATINIG)

Ito yung karugtong noong naunang takdang aralin. At sa wakas natapos rin ang palihan noong Sabado. Pinalad namang may natira pa sa mga ginawa ko. Ang napuna lang ay yung hindi ko paglalagay ng bantas sa bawat saknong.

TANAGA: Binubuo ito ng apat na taludtod, at bawat taludtod ay may pitong pantig

Tugmaan ng Katinig na malakas

Ang bahaghari’y hungkag;
Ulan ay hinahamak,
Pag araw ay sisikat;
Ang lupa’y maghihirap
.

Tugmaan ng Katinig na mahina

Isang hakbang pasulong,
Ang usad ay paurong,
Sa haba ng panahon,
Ang baya’y nagugutom
.


DALIT: Binubuo ito ng apat na taludtod, at bawat taludtod ay may walong pantig

Tugmaan ng Katinig na malakas

Mapagod man itong bibig,
Puso ko man ay mamanhid,
Gumapang man sa’king sahig,
Tuloy pa rin ang pag-ibig
.


Tugmaan ng Katinig na mahina

Ang pangarap aking tangan,
Sa di tiyak na pagsugal,
iaalay itong buhay,
Alang-alang sa ‘king kulay
.



AWIT: Binubuo ito ng apat na taludtod, at bawat taludtod ay may labindalawang pantig. Mayroon rin itong 6/6 na Caesura*.

Tugmaan ng Katinig na malakas

Hindi pa man ganap o huwad ang isip,
Kapag nagugutom s’ya ay tumatangis,
Inosenteng labi uha’ng bukambibig,
Ito’y isang himig sa t’wing naririnig.

Tugmaan ng Katinig na mahina

Sa tuktok ng papag nitong pag-aasam,
Walang humpay itong aking pagdarasal,
Upang makaahon sa hirap ng buhay,
Ngunit kaluluwa’y tinupok ng anay.


*Ang Caesura o hati ay ang regular na pagtigil o paghinga sa loob ng isang taludtod sang-ayon sa mga pagpangkat ng mga salita't bigkas sa taludtod.

Mga uri ng katinig na malakas b, d, g, k, p, s, at t
Mga uri ng katinig na mahina l, m, n, ng, r, w, at y

Dapat ring isaalang-alang na magkapareho ang bawat patinig bago ang katinig na pantugma.

Halimbawa:
hungkag
hamak
sikat
hirap

13 komento:

  1. buti ka pa alam mo pa yung mga katinig patinig, ako limot ko na hehe

    TumugonBurahin
    Mga Tugon
    1. Sir nakalimutan ko na ito kaya inaral ulit. :D

      Burahin
  2. dami talaga akong mapupulot dito, adre.. hehe.. ituloy mo lang ha?

    TumugonBurahin
  3. Mga Tugon
    1. Maari nyo bang ipaliwanag kung gaano ka-nice? Parang Nice hotel ba ito sa may EDSA? Ay teka, do you understand Tagalog?

      Burahin
    2. Oo naman, nakakaintindi ako ng tegelug.
      Kamusta po?

      lels

      Burahin
  4. Mga Tugon
    1. Sir Empi ito yung dahilan noong minsan magkasabay tayo sa iisang dyip.

      Burahin
  5. nice post! xD

    Ngayon ko lang nalaman yung mga katinig na malakas at mahina, may ganun pala? Paano sila naka-categorize?

    Ang gaganda ng mga halimbawa mo ser. Sana marami pa kong mabasa na ganito :)

    TumugonBurahin
  6. Dito na ako mag-aaral sa hiram na kaligayahan.

    O kay sarap
    ilagay sa utak
    titik ay lasap
    tila agimat

    :)

    TumugonBurahin
  7. tnx vry much B)

    TumugonBurahin