Huwebes, Mayo 3, 2012

DITO LANG SA AKING TABI, HINDI DOON

sa saliw ng namumungay
na ningning ng mga bituin
at marahang dampi
ng malambot na unan,
narito't nakahandusay
ang katawang hapo
sa maghapong paghahanap-buhay

nakapikit ang mga mata
ngunit gising ang diwa.
pilit nakikipagbuno
sa langitngit ng daluyong
ng maligalig na nakahapon.
iminulat ang mga mata
lumipad ang paningin
kasabay ng isipan
sa pook na hindi kinasanayan

doon naglipana ang mga pangarap

naroon ang kaligayahan

ngunit mas nanaig
ang kalungkutan, marahil
doon ako'y nag-iisa lang.
kasabay ng marahang dampi
ng hangin sa aking paanan,
ako'y naglakbay pabalik
sa katotohanan

hinawakan ang kamay
ng supling at kabiyak
narito lang sa aking tabi
nananahan ang ligayang
walang hangganan

11 komento:

  1. Mga Tugon
    1. bossing salamat sa madalas na pagpasyal. Ipagpatuloy natin ang nasimulan.

      Burahin
  2. Napapawi ang alalahanin kapag may mga kamay na kaagapay.

    :)

    TumugonBurahin
  3. naalala ko ang kanta ni yeng..yung hawak kamay...

    sir joey.. kagaling mong gumawa ng tula.. muli mo kong napahanga.

    :)

    TumugonBurahin
    Mga Tugon
    1. sir banjo salamat. Bahagi ang mga katagang nakapaloob sa bawat maikling kwento mo sa mga sandigan ko. Tinitingala ko pa rin at patuloy na titingalain ang mga akda mo. Mabuhay!

      Burahin
  4. ang galing, maganda toh gawing kanta. Naiimagine ko siya na kinakanta ng dicta license :)))

    TumugonBurahin