STALKER

Ang sarap pala magstalk ng mga dating crush lalo yung mga mababa ang tingin sayo dahil sa itsura mo. Tunay nga bang lumilipas ang kagandahan? o sadyang wala pa akong nakitang tunay na maamong mukha nung araw. Maaring nakatulong ang pagiging isang manlalakbay at ang pagigig mandidrigma sa hamon ng buhay. Kaya ngayon taas noo kong sasabihin "DI NAMAN PALA KAYO MAGANDA, NAGFEFEELING LANG KAYO KASI MAS ANGAT ANG ITSURA NYO SA NAGKAKAGUSTO SA INYO SAKA AKALA KO LANG PALA YUN MAGANDA KAYO :)))".

LEAVING YESTERDAY BEHIND

Makailang bese na rin akong natanong ng ganito: Kung may gusto kang baguhin sa buhay mo ano ang mga ito? at di lang jan natatapos ang tanong na yan, may kadugtong pa yang Bakit? Kaya nga daw may pambura ang lapis. Pero naniniwala lang ako sa kasabihang yan nung kakisigan ko at ngayon nagkaisip na ako parang baluktot ang tingin ko sa pangangatwiran iyan. kasi kahit pilit mo mang burahin ang mga pagkakamali ay tiyak magiiwan pa rin to ng bakas ng pagkakamali.

Ang nasa itaas ay sadyang simpleng pamagat lamang ng isang awitin pero kung ating pag-isipan ng mejo mababaw ay may kurot sa ating pagkatao. Ang kahapon ay kahapon. At kung meron mang mali, di magandang pangyayari at maling desisyon hayaan ko nalang yun na andoon sa kahapon at di na uungkatin pang muli at mamuhay sa kung ano ang meron sa kasalukuyan. Magsilbing aral nalang ito para sa akin at isiping ito ang maaring maghubog sa akin bilang ako sa kinabukasan.

PAGBABAGO

Marahil tuluyan na ngang nagpalit ang taon ay maaring kasabay nito ang mga hinahangad nating pagbabago di lang sa ating mga sarili kundi pati sa ating lipunan. Ang mga hinangad nating mga pagbabagong ito ay kadalasang ninanais nating magbibigay ng bentahe at positibong bunga sa ating mga sarili. Maaring isang simpleng "new year's resolution" lamang ang mga ito na nakatutok sa pansariling ineteres lamang ngunit lingid sa ating kaalaman maaring magdulot ito ng malaking epekto sa ating lipunan sa kalaunan.

Sa pagpasok ng bagong taon, marami ring mga bagay at pangyari na maaring makakapagbago sa atin at sa lipunan. May mga dadating at meron ding mawawala. Kung may mauuso meron ding malalaos. Ganyan ang agos ng buhay sa lipunan nasa sarili lang natin ang pagpapasya kung kelangan ba nating sumunod sa pangyayari o sa dinidikta sa atind ng lipunan. HINDI MASAMA ANG MAGPATANGAY SA AGOS PERO DAPAT ALAM RIN NATIN SA ATING MGA SARILI KUNG PAPANO LUMANGOY PAPUNTA SA GUSTO NATING DIREKSYON.

PAALAM AT MARAMING SALAMAT 2010

Ilang oras na lang ang binibilang at magpapalit na di lang ang panibagong taon kundi ang panibagong dekada pero bago pa tuluyang baklasin ang pinakahuling pahina ng kalendaryo ay samatalahin ko munang magpasalamat sa mga pangyayaring naglagay ng ngiti at nagpaluha sa akin at sa mga aral na natutunan sa taong kasalukuyan. Samantalahin ko na rin pati ang pagbati sa inyo ng masaya at masaganang bagong taon. Naway kasabay ng putukan ay maputukan at masabugan kayo ng biyaya at pagpapala mula sa tanging nilalang ng lumikha ng lahat. Sana ang lahat ng kadramahan ng ating bayan ay kasabay maglaho ng mga nililistang new year's resolution. MABUHAY TAYONG LAHAT

KASAMA

Sa paglisan ko ng dalawang taon
Hindi ako naging mayaman bagkos kabiguan ang nakamtan..
Sa ngayon di ko man makayang bilhin ang bukas

Pero handa akong utangin ang kahapon
...
Makasama ka lang maghapon

EKSENA

Babae: Nagmamakaawa ako sayo, payagan mo akong umalis. Ayoko na! Sawang sawa na ako! Palayain mo na ako!

Lalaki: Di ka aalis! Dito ka lang! Kung maaring ikukulong kita, ikukulong kita! Ikukulong kita! Ikukulong kita!


Sa mga bisig ko :D

DESISYON GRANDE

Ang pagpapasya at pagdedesisyon ay maaring ihalintulad sa pagtanim ng isang halaman. Kailangan mong isaalang alang ang panahon at lugar. Pagkatapos mo itong itanim di mo ito basta na lang pabayaan kailangan mo itong pangalagaan, diligan at abunohan upang ito ay lumago. Pero minsan kahit ginawa mo ang lahat upang ito ay mapalago may pagkakataon na mapepeste ito at hindi umunlad.